Кыргыз Республикасынын медайымдар адистеринин ассоциациясы «Кыргыз Республикасынын Ардактуу медайымы» жана «Кыргыз Республикасынын Ардактуу умай энеси» төш белгиси менен сыйлайт.
Төш белги медайымдык жана акушердик иш боюнча адис тарабынан сыйлоонун, алардын медайымдык жана акушердик иштеги сиңирген эмгегин баалоонун, калкка медициналык-санитардык-профилактикалык жардам көрсөтүүдөгү жана башка жетишкендиктердин бир түрү болуп саналат.
Төш белги Кыргыз Республикасынын саламаттыкты сактоо тармагына эмгеги сиңген адамдарга ыйгарылат.
Бирикменин төш белгиси менен саламаттыкты сактоо тармагында 30 жылдан кем эмес мыкты эмгек стажы бар, жогорку квалификациялуу, эмгекте жогорку жоопкерчиликти жана чыгармачылык демилгени көрсөткөн, коллективдин коомдук иштерине активдүү катышкан кызматкерлер сыйланышат:
— калкка медициналык жардам көрсөтүүдө, санитардык-эпидемияга каршы жана санитардык-агартуу иштерин жүргүзүүдө жана республиканын калкынын ден соолугунун сапаттык көрсөткүчтөрүн жакшыртууда жогорку көрсөткүчтөргө жетишкендиги үчүн.
«Кыргыз Республикасынын Ардактуу медайымы» же «Кыргыз Республикасынын Ардактуу умай энеси» төш белгиси менен сыйланган адамдарга бир эле убакта төш белгини тагынуу укугун ырастоочу белгиленген үлгүдөгү күбөлүк берилет. Бул укук кызматкерде ал иштен бошогондо, башка уюмдарга же мекемелерге ишке которулган учурда, ошондой эле пенсияга чыгууга байланыштуу сакталат.
